Sunday , August 1 2021
Breaking News
Home / समाचार / गगन थापाले विरोध गर्दा गर्दै खनालको उपचारका लागि कसरी निकासा भयो ३० लाख रुपैया ?

गगन थापाले विरोध गर्दा गर्दै खनालको उपचारका लागि कसरी निकासा भयो ३० लाख रुपैया ?

काठमाडौ । नेपाली कांग्रेसका नेता गगन थापा लगायतले विरोध गर्दा गर्दै नेकपा एमालेका नेता झलनाथ खनालको उपचारका लागि ३० लाख रुपैया निकासा भएको खुलेको छ । अर्थ मन्त्रालय स्रोतले दिल्ली स्थित नेपाल दुतावासले परराष्ट्र मन्त्रालय मार्फत खनालको उपचारका लागि ३० लाख आवश्यक पर्ने बताएपछि सोही अनुसारको रकम निकासा भएको हो ।

गगन लगायत केही नेताहरुले विदेशमा उपचार गराएका नेतालाई उपचार खर्च पठाउनु कानुन विपरित हुने भन्दै विरोध जनाएका थिए । तर सो रकम ओली सरकारकै पालामा निकासा भएको बुझिएको छ । एमाले नेताहरुका अनुसार उनको मिर्गौला प्रत्यारोपण गरिनेछ । निवर्तमान प्रधानमन्त्री केपी शर्मा ओली नेतृत्वको मन्त्रिपरिषद्ले खनालको उपचारमा लाग्ने सम्पूर्ण खर्च व्यहोर्ने निर्णय गरेको थियो । त्यस लगत्तै विरोधका स्वर उठेका थिए ।

प्रधानमन्त्री देउवाले पनि खनाललाई नै फोन गरेर उपचार खर्च सरकारले बेहोर्ने बताएका थिए । तर गगन थापाले सो कुरा लागू गर्न नमिल्ने भन्दै विरोध जनाएका थिए । खनालको विदेशमा उपचार गर्दा लागेको खर्च व्यहोर्ने निवर्तमान प्रधानमन्त्री केपी शर्मा ओली सरकारको निर्णय गैरकानुनी भन्दै विरोध भएकै बेला रकम निकासा भएको कुरा खुलेको हो ।

पूर्ववर्ती सरकारका कतिपय निर्णय उल्टाए पनि प्रधानमन्त्री शेरबहादुर देउवाले खनालको उपचार खर्चसम्बन्धी गैरकानुनी निर्णयलाई कायम राखेका छन्।

About admin

Check Also

महोत्तरीमा सर्पको बिगबिगी, आधा साउनमै ५० नाघे सर्पदंशका घटना

महोत्तरी । सघन वर्षापछि केही दिनयता चर्को घाम लाग्ने र छिनछिनमा पानी पर्ने क्रमसँगै महोत्तरी …

Leave a Reply

Your email address will not be published. Required fields are marked *