Sunday , August 1 2021
Breaking News
Home / समाचार / माइती नेपालमा भित्र यस्तो बबाल, श्रीलंकाको जेलबाट उद्धार गरेका २५ महिला गायव पारेको आरोप (भिडियो सहित)

माइती नेपालमा भित्र यस्तो बबाल, श्रीलंकाको जेलबाट उद्धार गरेका २५ महिला गायव पारेको आरोप (भिडियो सहित)

रेस्क्यु नेपाल नामको गैरसरकारी संस्थाले वैदेशिक रोजगारीमा गएर अलपत्र परेका महिलाहरुलाई रेस्क्यु गरेर नेपाल ल्यायो । तर माइती नेपालले ति महिलाहरुलाई सुटुक्क आफ्नो संस्थामा लिएर गएपछि बवाल भएको छ ।

माइती नेपालमै पुगेर रेस्क्यु नेपालका प्रतिनिधिहरुले उद्दार गरेर ल्याएका महिला कहाँ छन् ? भनेर प्रश्न गरेका छन् । जुत्ता खियाउने, पसिना बगाउने, रिस्क लिएर उद्दार गर्ने हामी तर हामीलाई नै थाहा नदिएर माइती नेपालले कहाँ लुकायो ? माइती नेपालमा पुगेका रेस्क्यु नेपालका प्रतिनिधिले गरेको प्रश्न हो यो ।

अरुले गरेको काममा जस पाउने काम मात्र नगर्नुस् । अनुराधा कोइरालालाई एक जना प्रतिनिधिले भनेका छन्, परिवारका सदस्य अब हाम्रो मान्छे आउँछन् भनेर पर्खेर बसेका छन् तर उनीहरु कहाँ छन् हामीलाई नै थाहा छैन । परिवार र आफन्तले नै भेट्न नपाउने ? उनीहरुले प्रश्न गरेका छन् । श्रीलंकाको जेलबाट उद्धार गरेका २५ महिलाहरुलाई माइती नेपालले आफ्नो संरक्षणमा राखेपछि यस्तो बवाल भएको हो ।

संस्थाका प्रतिनिधिहरुले आफुहरुको पहलमा नेपाल ल्याएका महिलाहरुलाई आफुहरुले पनि भेट्न पनि पाउनुपर्ने बताएका छन् । आफुहरुले पैसा उठाएर रेस्क्यु गरेका महिलाहरुलाई नेपाल आइसकेपछि माइती नेपालका प्रतिनिधि दौडिएर गएर आफन्तलाई नै भेट्न समेत नदिएर उनीहरुलाई आफ्नो संरक्षणमा ल्याएको भन्दै विरोध जनाएका छन् ।

नेपाल सरकार र माइती नेपालको पहलमा ल्याएकाहरुलाई तपाईहरु राख्नुस् तर वैदेशिक रोजगार उद्दार नेपालको पहलमा ल्याएकाहरुको हकमा निर्णय गर्दा आफुहरुसंग समन्वय गर्नुपर्ने उनीहरुको भनाई छ । फाइल हामीसंग छ, काम गर्ने हामी तर काम गरेको देखाउने माइती नेपाल ? यस्तो त भएन नी ?

About admin

Check Also

महोत्तरीमा सर्पको बिगबिगी, आधा साउनमै ५० नाघे सर्पदंशका घटना

महोत्तरी । सघन वर्षापछि केही दिनयता चर्को घाम लाग्ने र छिनछिनमा पानी पर्ने क्रमसँगै महोत्तरी …

Leave a Reply

Your email address will not be published. Required fields are marked *